Yulduz Usmanova - Seni osmonimga olib ketaman

Юлдуз Усманова сени осмонимга олиб кетаман

Mening shodligimsan, bolaligimsan,
Mening g’ussam o’zing, mening armonim
Seni osmonimga olib ketaman,
Yerda bizga kun yo’q, kun yo’qdir, jonim

Ket, deb haydolmasam netaman,
Kel, deb aytolmasam netaman.
Seni osmonimga olib ketaman,
Seni osmonimga olib ketaman...

Xato qildimmikan men erta kelib,
Yo sen adashdingmi kelib keyinmi?
Goho kimliging ham bo’lmaydi bilib,
Inim deymi seni, sevgilim deymi?

O’ylamay deymanu o’ylamay bo’lmas,
O’tsang sen tomon bir bo’ylamay bo’lmas.
Sen mening hammadan yashirgan sirim,
Mening ertagimsan, so’ylamay bo’lmas.